Үйлчилгээ
Бид таны бизнесийг дараагийн түвшинд хүргэнэ
Манай компани Монгол улсын Аудитын тухай болон бусад хууль тогтоомж, Санхүүгийн тайлагналын болон Нягтлан бодох бүртгэлийн олон улсын стандарт (СТОУС, НББОУС), Аудит, Баталгаажуулалтын Олон Улсын Стандарт (АБОУС)-уудын хүрээнд үйлчилгээ үзүүлж байна.
ҮЙЛЧИЛГЭЭНИЙ ДАВУУ ТАЛ, БОЛОМЖ
Хууль, стандартуудыг хүндэтгэн дээдэлж, шударга ёсыг эрхэмлэхийн хамт, үйлчлүүлэгчдийнхээ ашиг сонирхлыг тууштай хамгаалах, тэдний эрэлт хэрэгцээг хангахад чиглэгдэн, хамтран ажиллагч та бүхэнд
- Нягтлан бодох бүртгэлийн хууль, стандартад нийцүүлэн хөтөлж, санхүүгийн тайланг үнэн зөв гарган, хөрөнгийн аюулгүй байдлыг хянах;
- Бизнес, үйл ажиллагаа, хэтийн зорилго, зорилтынхоо тухай хэрэглэгчдэд баталгаатай, үнэн бодит мэдээллийг хүргэх;
- Хөрөнгө оруулалт ба түүний үр өгөөжийн талаар найдвартай, бодитой мэдээллийг олж авах;
- Бизнесийн хамтрагч буюу түншээ зөв сонгож, эрсдэл багатай, оновчтой шийдвэрийг зохистой цаг үед гаргах;
- Болзошгүй эрсдэл, бэрхшээл, санамсаргүй алдаанаас урьдчилан сэргийлж, сул тал ба дутагдлаа засах зөв арга замыг олж авах;
- Бизнесийн болон эдийн засгийн арвин мэдлэг, туршлага, өндөр ур чадвартай ажилтнуудтай хамтран ажиллах;
- Найдвартай, тогтмол орлого, ашиг, илүү үр дүнд хүрэх зэрэг боломж ба давуу талуудыг танд олгоно.
Үйлчилгээнүүд
Аудит, баталгаажуулах үйлчилгээ
“Мэргэжлийн баталгааг өгч, мэдээллийн үнэн зөвт дүгнэлт өгөх үйлчилгээ”
Мэргэжлийн аудиторууд, зөвлөхүүд байгууллагын мэдээллийг (жишээ нь санхүүгийн тайлан, тайлагналын өгөгдөл, дотоод хяналтын тогтолцоо) хууль, дүрэм журам, стандартын дагуу тайлагнасан эсэхэд хараат бус үнэлгээ өгч, хэрэглэгч талуудад үнэн зөв мэдээлэл өгөх зорилготой үйлчилгээ юм.
Санхүүгийн зөвлөх үйлчилгээ
“Санхүүгийн шийдвэрийг оновчтой, эрсдэл багатай гаргахад чиглэсэн мэргэжлийн зөвлөгөө”
Байгууллага, хувь хүнд санхүүгийн удирдлага, хөрөнгө оруулалт, эрсдэл, татвар болон бизнесийн шийдвэр гаргалтад мэргэжлийн зөвлөгөө, шийдэл өгөх үйлчилгээ юм.
Татварын үйлчилгээ
“Татварын эрсдэлийг бууруулж, төлөвлөсөн байдлаар биелүүлэх мэргэжлийн зөвлөгөө”
Байгууллага, хувь хүнд татварын хууль, дүрэм журмыг зөв хэрэглэх, татвар төлөлт болон төлөвлөлтөд мэргэжлийн зөвлөгөө өгөх үйлчилгээ юм.
Дотоод аудитын үйлчилгээ
“Байгууллагын дотоод хяналт, эрсдэлийг шалгаж сайжруулах мэргэжлийн аудит”
Байгууллагын дотоод хяналт, эрсдэлийн удирдлага, үйл ажиллагааны үр ашиг, дүрэм журмын дагуу ажиллах байдалыг мэргэжлийн аудиторууд үнэлж, зөвлөмж өгөх үйлчилгээ юм.
Сургалт, судалгаа
“Мэргэжлийн мэдлэг, ур чадварыг дээшлүүлэх сургалт, хөгжлийн үйлчилгээ”
Байгууллага, хувь хүнийг нягтлан бодох бүртгэл (СТОУС, НББОУС), аудит, санхүү, татвар болон бусад мэргэжлийн чиглэлээр мэдлэг, ур чадвартай болгох, чадавхыг сайжруулах үйлчилгээ юм.
Бусад үйлчилгээ
“Аудитын үндсэн үйлчилгээнээс гадна байгууллагын санхүү, мэдээлэл, үйл ажиллагааг сайжруулах дэмжлэгийн үйлчилгээ”
Байгууллагын санхүү, мэдээллийн систем, үйл ажиллагааг сайжруулахад чиглэсэн нэмэлт үйлчилгээ юм. Үүнд: - Удирдлагад зөвлөгөө өгөх үйлчилгээ - Нягтлан бодох бүртгэлийн аутсорсинг - Нягтлан бодох бүртгэлийн бодлогын баримт бичиг боловсруулах - Тогтвортой хөгжлийн зөвлөх үйлчилгээ